الفرق بين الروشنه زمان .... وروشنه دلوقتى ؟؟
المعاكسات
المعاكسات زمان كانت على طريقه ايه يا باشا و النبى لاتقدم لابوكى النهارده
طبعا النهارده فن المعاكسات اتطور و وصل لدرجه تعالي اعزمك علي واحد شاي في الكافيتريا اللي ع الناصية
2
الخناقات
لو اتفرجت على اااااااى فيلم لانور و جدى هتلاقى الخناقات كل واحد من العصابه - لابسين مخطط مش عارف ليه - بياخد بوكس و يموت بعدها على اساس انه زا هالك
انما الخناقات دلوقتى اولا شتايم بس و قليل لما بتقلب خناقه بجد
و طبعا بتلاقى الاتنين نطو على بعض و كشافات و ضرب تحت الحزام
3
الخروجات
فى افلام زمان كانوا يجيبو شباب عايز ينحرف - و كمان مش عارفين - تلاقيهم بيهربو من بيوتهم و اهلهم نايمين و بيروحو بره و يشربو سجاير و الفت الى فيهم بيطلع ازازه خمره - غالبا عصير بس بيصيع على اصحابه - و بيشرب و هم باصين له بانبهار على اساس انه خلاص مش نافع بعد كده
اما دلوقتى فالسجاير اقل واجب فى اى خروجه طبعا لو مش فى العيد و ناويين يجيبو قرش حشيش او جوانات جاهزه و يتخانقو على مين ينور اول جوان
يعنى مين يولع اول جوان
4
الهدوم
الشاب النحرف ايام زمان كان ااااااااااااخره يميل الطربوش و يهز المنشه
و لو فى ايان حسين فهمى تحس ان الجيل كله عنده عمى الوان بالقمصان المشجره و البنطلونات العجيبه ام 3 رجول و اشى هدوم حمره و خضرا و موف و هدوم عليها نقش جلده النمر و جلد الحمار الوحشى و الخ
دلوقتى طبعا بديهات و بنطلونات و قمصان و بليزرات و لو على البنات يا رب اغفرلى
5
تسريحات الشعر
زمان اوى مكناش نعرف بصراحه بيعملو ايه فى شعرهم عشان الطربوش
بعد كده عماد حمدى ابو فلقه و كيلو فزلين
و ندخل بعد كده على مرحله احمد رمزى اوسم بطل فى رايى الشخصى و برضه انضف تسريحه فيهم
ثم مرحله الشعر المنكوش زى المتكهربين - راجع ماتشات الخطيب و شطه مع الاهلى فى بدايتهم
و من عشر سنين تسريحه الكابوريا بتاعه احمد زكى
اما دلوقتى ممكن تعمل تسريحه تامر او عمر او كاظم او ليلى علوى كمان لو حبيت
و مش هانتكلم عن السوالف عشان بلاش احراج
6
الحب
زمان تلاقى الواحد يقعد 5 و 6 سنين بيحب من تحت لتحت و نظرات بقه و الكلام ده
و بعد ال 5 سنين الاجبارى لازم يقول و هى توافق و يقابل ابوها و طبعا لازم يكون موظف
انما دلوقتى واحد صاحبى عمل الرقم القياسى
شاف واحده و قالها اليوم الى بعده و ارتبطو اليوم الى وراه
